ปกติยา อตฺคิ ชลมาโน อญฺญสฺมึ อุปาทาเน ทินฺเน ภิยิโยว ชลติ เอวเมว โข มหาราช
ภควโต ปกติทุพฺพเล สรีเร ขีเณ อายุสํขาเร อุปฺปนฺโน โรโค ภิยฺโย อภิวฑฺฒติ ฯ
ยถา วา ปน มหาราช ปกติยา อภิสนฺทมาโน วาตกุจฺฉิ อญฺญสฺมึ อปกฺเก อชฺโฌหริเต
ภิยฺโย อามิยติ เอวเมว โข มหาราช ภควโต ปกติทุพฺพเล สรีเร ขีเณ อายุสํขาเร
อุปฺปนฺโน โรโค ภิยฺโย อภิวฑฺฒติ ฯ นตฺถิ มหาราช ตสฺมึ ปิณฺฑปาเต โทโส น
จ ตสฺส สกฺกา โทโส ปญฺญาเปตุนฺติ ฯ
ภนฺเต นาคเสน เกน การเณน เต เทฺว ปิณฺฑปาตา สมสมผลา สมสมวิปากา
อติวิย อญฺเญหิ ปิณฺฑปาเตหิ มหปฺผลตรา จ มหานิสํสตรา จาติ ฯ ธมฺมานุมชฺชน-
สมาปตฺติวเสน มหาราช เต เทฺว ปิณฺฑปาตา สมสมผลา สมสมวิปากา ฯ เป ฯ
มหานิสํสตรา จาติ ฯ ภนฺเต นาคเสน กตเมสํ ธมฺมานํ อนุมชฺชนสมาปตฺติวเสน เต
เทฺว ปิณฺฑปาตา สมสมผลา สมสมวิปากา ฯ เป ฯ มหานิสํสตรา จาติ ฯ นวนฺนํ มหาราช
อนุปุพฺพวิหารสมาปตฺตีนํ อนุโลมปฏิโลมสมาปชฺชนวเสน เต เทฺว ปิณฺฑปาตา สมสมผลา
สมสมวิปากา ฯ เป ฯ มหานิสํสตรา จาติ ฯ ภนฺเต นาคเสน ติกฺขตฺตุํเยว ตถาคโต
นวานุปุพฺพวิหารสมาปตฺติโย อนุโลมปฏิโลมํ สมาปชฺชิ เอตฺถนฺเตเร นตฺถีติ ฯ อาม
มหาราชาติ ฯ อจฺฉริยํ ภนฺเต นาคเสน อพฺภูตํ ภนฺเต นาคเสน ยํ อิมสฺมึ พุทฺธกฺเขตฺเต
อสทิสํ ปรมทานํ ตํปิ อิเมหิ ทฺวีหิ ปิณฺฑปาเตหิ อคณิตํ ฯ อจฺฉริยํ ภนฺเต นาคเสน
ยาวมหนฺตา นวานุปุพฺพวิหารสมาปตฺติโย ยตฺร หิ นาม นวานุปุพฺพวิหารสมาปตฺติวเสน
ทานํ มหปฺผล ตรํ โหติ มหานิสํสตรนฺติ ฯ

ทฺวินฺนํ ปิณฺฑปาตานํ มหปฺผลภาวปญฺโห จตุตฺโถ ฯ

ภนฺเต นาคเสน ภาสิตมฺปิ เจตํ ภควตา อพฺยาวตา ตุมฺเห อานนิท โหถ
ตถาคตสฺส สรีรปูชายาติ ฯ ปุน จ ภณิตํ
ปูเชถ นํ ปูชนิยสฺส ธาตุํ
เอวํกรา สคฺคมิโต คมิสฺสถาติ ฯ
ยทิ ภนฺเต นาคเสน คถาคเตน ภณิตํ อพฺยาวตา ตุมฺเห อานนฺท โหถ ตถาคตสิส
สรีรปูชายาติ เตนหิ